🎧 Listen Live 🔴

Live on air

Premier League go use semi-automated offside technology for di next season

April 12, 2024

The Premier League go introduce semi-automated offside technology next season to quicken decision-making after di clubs unanimously agree on top di matter for one shareholders’ meeting wey happen yesterday.

Currently, di Premier League dey use VAR officials check offsides but dis system don face heavy criticism sake of di time wey dem dey take to make decision and e dey leave fans for stadium dey confused without any replay.

Di technology involve several cameras wey dey track di ball and each player. But di technology alone no fit determine if player dey offside, so VAR still need to confirm based on top di available data — dis na why dem dey call am “semi-automated”.

Dis technology don dey use for di 2022 World Cup and di Champions League, and recently dem use am for di Asian Cup wey happen earlier dis year.

More Posts