The Lagos State House of Assembly don confam the picking of fifteen commissioners out of the eighteen commissioners wey the Lagos state governor, Mr. Babajide Sanwo Olu send give dem. The speaker, Mudaisiru Obasa, con dey read out the list give the members of the house, e tok say the House reject Mr Samuel Egube and Eng Olalere Odusote while Hon. Tolani Sule Akibu gats step down for more examinations. Some of the names of the pipo dem confam be pipo like: Dr. Afolabi Abiodun Tajudeen, Mr. Oluwaseun Oriyomi Osiyemi, Prof. Akinola Emmanuel Abayomi, Dr. Oluwarotimi Omotola, Wahab Fahola and many odas. The Speaker con ask the Assembly officer make him sharp-sharp carry the names of the pipo wey dem don confam give the governor, before the House con shift dea sittings go 12th of September