INEC don talk say make Nigerians no gree hear any tori wey talk say dem manipulate voters’ data for Kogi state election wey happen last Saturday. SDP candidate, Yakubu Murtala, yan say INEC dey work with APC to change data and show say over-voting happen for polling units across four local government areas. PDP candidate Dino Melaye sef accuse INEC say dem manipulate election results. But Mohammed Kudu Haruna, wey be National Commissioner and Member of Information and Voter Education Committee of INEC, talk say those tori no get foundation. He talk say the most correct and current Voters’ Accreditation Data dey for the Bimodal Voter Accreditation System (BVAS) wey dem use for Election Day to verify and accredit voters.