The House of Representatives dey plan to issue warrant of arrest for the Executive Members of Binance (cryptocurrency platform) wey no show for the investigative hearing wey dem hold today for the National Assembly.

During the hearing, Hon. Isa Dogonyaro, wey be member of the committee on Financial Crimes, move motion say make the committee use their powers through the House to issue warrant of arrest on the management of Binance.

Our correspondent Nathan Williams report say the Chairman of the committee, Hon. Onwusibe talk say the house go issue warrant of arrest on Binance because of the various allegations wey dem get against dem, like Financing of Terrorism, Tax Evasion, and others.