Federal High Court for Abuja don block Central Bank of Nigeria (CBN) from continue to release Rivers State monthly allocation. Di ruling wey happen yesterday still affect di Accountant-General of di Federation (AGF), plus Zenith Bank and Access Bank, wey di state dey hold accounts.
For her judgment, Justice Joyce Abdulmalik talk say di way wey Governor Siminalayi Fubara dey collect and use di monthly allocations since January 2024 dey against di constitution, and e no fit continue.
Meanwhile, Governor Fubara talk say di Federal High Court decision wey stop di release of di state allocation na “di least” of him wahala. As e dey talk for special thanksgiving service wey di state government organise to celebrate di resilience of him administration amid di political palava, Governor Fubara assure say, even with di court order, him administration go still pay contractors and make sure workers’ salaries start to dey disburse from today.
READ MORE RECENT NEWS HERE https://naija102.com/federal-government-don-dash-nigerian-legion-n500-million-as-president-hail-armed-forces/
