The federal government don put the sponsors of the nationwide #EndBadGovernance protests on a watchlist.

Comptroller-General of the Nigerian Immigration Services, Kemi Nandap, talk this one for Defence Headquarters on Tuesday for Abuja. She say the people wey dey behind the protests and dey abroad, go face arrest immediately dem enter Nigeria.

In response to the protests, Nandap talk say Immigration Service don deploy more officers to land borders and airports to make sure say dem fit man the country’s entry and exit points well. She also emphasize say the agency don increase surveillance to prevent foreign interference for the country.

Also, during a meeting of security agency heads for Abuja, the Inspector General of Police, Kayode Egbetokun, talk say trials for the suspects wey dem arrest during the Endbadgovernance protests don start. Egbetokun tell journalists say for Kano state, dem dey try the suspects for police headquarters because of their large number.

This one happen just a day after police talk say dem don arrest over 800 suspects for different parts of the country for various offences during the protests. The IGP also dismiss as false, the claims say security agencies use live ammunition and excessive force to manage the #EndBadGovernance protests.

READ MORE RECENT NEWS HERE https://naija102.com/president-tinubu-don-beg-protesters-make-dem-stop-di-protest/