Chief Executive Officer of the Presidential Compressed Natural Gas (CNG) Initiative, Mr. Michael Oluwagbemi, don talk say dem don buy 30,000 CNG conversion kits wey dem go share give commercial drivers inside 90 days.

Oluwagbemi add say dis CNG initiative wey cheaper, cleaner, safer, and reliable, na to make sure say commercial drivers fit benefit from dis help wey dem dey give transporters.

Former Commissioner for Transportation for Lagos State, Dr. Kayode Opeifa, talk say dis provision of conversion kits by Federal Government dey follow wetin dem promise to take reduce di effect of fuel price increase on top transporters.

According to Opeifa, 150 people go collect voucher for dis conversion wey dem go carry go installation centre, and dem go fit refill gas for N250 per kilogramme.

READ MORE RECENT NEWS HERE https://naija102.com/president-tinubu-showcase-ecowas-achievements-for-au-mid-year-meeting/