Federal Government don dash Nigerian Legion N500 million, as President Bola Tinubu praise Nigerian Armed Forces for their strong effort to tackle all the security wahala wey dey affect the country. President Tinubu talk say if no be the armed forces wey dey try keep the country stable, e go hard make him government reform policies and economic plans get impact. E promise say the welfare of the armed forces go remain top priority for the government.
Our tori pesin report say na Secretary to the Government of the Federation, Senator George Akume, announce the donation during the 2025 Armed Forces Remembrance Day Celebration Emblem and Appeal Fund Launch. Inside the event, Senate President still put down N200 million on behalf of the National Assembly, and Chief of Defence Staff add N50 million on behalf of Service Chiefs and Inspector-General of Police.
READ MORE RECENT NEWS HERE https://naija102.com/member-for-house-of-reps-don-dey-police-detention-for-assault-wey-e-do-to-bolt-driver/
