Federal Executive Council don approve ₦2.5 billion to acquire new satellite system wey go help stop illegal mining for Nigeria. Minister for Solid Minerals Development, Dele Alake, talk am as e dey brief State House Correspondents after yesterday’s FEC meeting. E talk say wen di system start to work, e go help di Ministry of Solid Minerals Development to track how mineral dem dey extract, di movement of trucks, and security for mining sites across di country.
E still talk say over 300 mining cooperatives don form to help miners operate legally, and anybody wey no wan follow di law, Mining Marshals go arrest and prosecute dem.
Our correspondent report say di Minister for Women Affairs, Hajia Imaan Sulaiman-Ibrahim, talk say FEC also approve half a billion naira for Ministry of Innovation, Science, and Technology to provide starter packs for di manufacturing of leather goods and footwear.
Di Minister for Education, Tunji Alausa, still talk say Council approve provisional licenses for 11 private universities for Nigeria.
READ MORE RECENT NEWS HERE https://naija102.com/lagos-assembly-don-order-make-all-staff-work-from-home-as-di-leadership-crisis-dey/
