Africa richest man, Aliko Dangote, don make one heavy decision wey don make people dey talk for inside and outside Africa. The billionaire don arrange say when e no dey again, one-third of all the wealth wey e gather for him lifetime go land for charity work, instead of remaining only for family inheritance.
Na him daughter, Halima Dangote, wey be trustee for Aliko Dangote Foundation, reveal dis during one interview wey Bloomberg publish on Tuesday.
According to her, Dangote no just wake up take dis decision. The business mogul don already settle everything legally and even get approval from family members make 33 per cent of him entire estate go serve humanity.
If person follow the latest Bloomberg Billionaires Index, Dangote wealth presently dey around $35.1 billion. Meaning say if the money remain around that figure, the amount wey go enter charity fit reach $11.7 billion money wey fit change millions of lives for generations.
Halima talk say for her papa mind, wealth no be only to gather riche, na to use am touch lives. She explain say the idea of helping people don become part of the Dangote family DNA and succession plan.
According to her, Dangote don already dedicate 25 per cent of him assets to the foundation before. But under Islamic Sharia inheritance arrangement, the final amount wey go eventually enter the foundation go reach 33 per cent of everything wey e own.
The move no be something new entirely. Since 1994, the Aliko Dangote Foundation don dey spend billions on projects wey concern health, education, nutrition and emergency humanitarian support. She explain say the foundation get about $1.25 billion endowment years back and later receive another $700 million injection to expand its work
The foundation also join hands with the Bill & Melinda Gates Foundation and northern state governments to fight polio, helping Africa achieve the historic victory of wiping out wild poliovirus.
Even though Dangote donation no reach the 50% Giving Pledge standard wey some foreign billionaires dey follow, the planned 33% giveaway still rank among the biggest acts of philanthropy ever announced by any African billionaire.
Earlier this year, TIME Magazine list Dangote among the most influential philanthropists for the world because of the impact wey him foundation dey make across Africa, spending more than ₦50 billion every year to support communities, schools, hospitals and vulnerable people.
For many people, this latest move send one clear message Dangote no wan make him wealth end for bank account or family vault alone — e want make generations of Africans continue to benefit from am long after e don leave this world.
