Federal Capital Territory High Court don agree make the immediate past Governor of the Central Bank, Godwin Emefiele, fit travel comot from Abuja. Justice Hamza Muazu, wey give the ruling, talk say Emefiele fit travel, but e must still dey for Nigeria.

The Counsel to the Economic and Financial Crime Commission (EFCC), Rotimi Oyedepo, SAN, no talk say e no gree. But later, news waka say EFCC wan carry Emefiele go court today Friday for High Court for Abuja.

The EFCC prosecutor, Rotimi Oyedepo, confirm say dem go carry out the fresh arraignment before Justice Muazu with charges wey get new counts wey relate to how dem give contract wey concern Emefiele wife, Omoile Margret, im brother-in-law, Omoile Macombo, and other associates.

The new charges against Emefiele include criminal breach of trust, forgery, conspiracy to commit forgery, procurement fraud, and conspiracy to commit felony.