Di senator wey dey represent Bayelsa West, Senator Seriake Dickson, don talk say e no happy as President Bola Tinubu no talk anything about di emergency rule for Rivers State when e address National Assembly.

As e dey reflect on di importance of June 12 Democracy Day, Dickson talk say e expect say Tinubu go use di chance take talk about how to bring back democratic rule for Rivers.

After di session, di senator yarn with journalists say di president miss better chance to show say e stand for democracy, as e no mention Rivers State for him speech. E accuse di president say e dey follow some political people wey no mean well, and say e dey put Nigeria democracy for risk.

(CUE IN: DICKSON ON RIVERS)

Make we remember say for March 18, President Tinubu declare emergency rule for Rivers State, remove elected governor and house of assembly people for six months.