Nigeria Football Federation board don agree to di recommendation of dem Technical and Development Committee to appoint Finidi George as Head Coach of di Super Eagles, di Senior Men National Football Team.

Di 52-year-old George, wey be member of di ‘Golden Generation’ wey win di 1994 Africa Cup of Nations for Tunisia, bin spend 20 months as assistant to José Santos Peseiro during di 2023 AFCON for Cote d’Ivoire. E don take charge of di squad for interim capacity during two friendly matches for Morocco last month.

George immediate assignment na to guide di Super Eagles to win for two 2026 FIFA World Cup qualifying matches against South Africa and Benin Republic wey go happen for Uyo and Abidjan respectively, for just over five weeks time.