The EFCC don come out refute di claims wey dey circulate for media say dem don release list of 58 former governors wey dem dey investigate for corruption.

Dem wey suppose sabi talk say dis list talk say di former governors allegedly chop N2.187 trillion within 25 years.

But EFCC talk say no be true, say dem no release any list like dat. Na so di EFCC spokesperson, Dele Oyewale, take yarn for statement wey im release on Sunday. Im talk say di reports wey dey fly around na lie and dem dey misleading, say di list na fake wey people just create for dia own reasons.

EFCC come still talk say make media people dey careful and crosscheck facts well well with dem before dem spread any tori about any matter wey dey under investigation.