The seventh edition of the Beatz Awards happen for Muson Center for Lagos dis weekend, where we see pipo like Davido, DJ Lambo, Cohbams Asuquo and odas win awards for different categories.

Hip-hop music star, Davido, win best songwriter award, Dj, Olawunmi Okerayi wey everybody sabi as DJ Lambo, of Chocolate City, win female Dj of the year for the second time back-to-back, while Blaise Beat win producer of the year. Dem carry the award for Afro Gospel Producer of the year give multi instrumentalist of Rox Nation, Samuel Giveson, wey everybody sabi as SMJ.

Oda pipo wey win award be, Beat FM Tosan Wiltshire, for Best On Air Personality , Sean Okeke collect Best Artiste Manager of the year, TG Omori win Best Music Director, YBNL win Best Record Label award, Boomplay collect Best Music Downloading Platform and dem honour Cobhams Asuquo with Lifetime Achievement Award.