Dem don name Argentina and Paris St-German footballer Lionel Messi as the men player of the year for the 2022 Best FIFA Awards, after the 35-year-old lead Argentina go World Cup glory for Qatar, and e score 27 goals for 49 games for both club and country for 2021-2022.

Dem name Barcelona Alexia Putellas as Women Player of the Year. Dem name Lionel Scaloni, wey lead Argentina go dea third World Cup title as Men Coach of the Year.

Dem also give England manager Sarina Wiegman Women Coach of the Year. Dem also accept Aston Villa and Argentina Emiliano Martinez as the Best Men Goalkeeper, while England Mary Earp win the women award.